دوو کورته‌ شیعر / هیوا سه‌عید

دوو کورته‌ شیعرله‌                                                                                    

هیوا سه‌عید

-1-

پاساو

پێش ئه‌وه‌ی

په‌نجه‌ت له‌ ئه‌ڵقه‌ بێخن

پێش ئه‌وه‌ی

تارای سپیت پێ داده‌ن

بتکه‌ن به‌ بووک و

به‌ زۆری بۆ ناو که‌ژاوه‌ت ڕاده‌ن

خۆ من ده‌متوانی

ده‌شهاتم هه‌ڵتبگرم و بتبه‌م

به‌ڵام نه‌هاتم

پاشگه‌زیش نیم قه‌ت

ده‌زانی بۆچی؟

به‌س له‌به‌ر ئه‌وه‌ی

ناوت به‌د نه‌که‌م، نه‌ڵێن به‌ دووکه‌ت.

-2-

ئاوڕێک

گه‌ر تۆ پێتوایه

له‌دوای ژوانی تۆ بچمه‌ ژوانی تر

چاوم داده‌خه‌م‌

له‌ ڕووی جوانی تۆ

ببمه‌ ئاوێنه‌ی به‌رده‌م جوانی تر

ده‌با پێت بڵێم:

له‌و ژوانانه‌

له‌ باخی سینه‌م به‌و جوانانه‌

ناکرێ گوڵبه‌ژنی تۆ هه‌ڵکه‌نێنن

هێشتا دڵۆپێک فرمێسک بۆ تۆ

ته‌ڕترم ده‌کا

له‌و هه‌موو لێوه‌ی

ماچیان ده‌که‌م و تینووم ناشکێنن.

هیوا سه‌عید- هه‌ولێر

Hiwa_seid@yahoo.com